راجستھان میں ضلع چورو کے سردار شہر میں نس بندی آپریشن کے بعد ایک خاتون کی موت کا واقعہ سامنے آیا ہے۔
پولیس کے مطابق 29 جون کو سردار شہر کے سرکاری اسپتال میں ایک غیر سرکاری تنظیم شبھم پیرامیڈیکل کمیٹی، بیداسر کی جانب سے نس بندی کیمپ کا اہتمام کیا گیا تھا۔ اس میں ڈاکٹر پون شرما اور دیگر طبی عملے نے نس بندی آپریشن کئے تھے۔
کیمپ میں آپریشن کروانے آئی مینا دیوی (22) کی آپریشن کئے جانے کے کچھ دیر بعد ہی طبیعت بگڑ گئی۔ ڈاکٹروں نے علاج کیا لیکن حالت بہتر نہ ہونے کے بعد چورو کے ڈی بی ایچ سرکاری اسپتال بھیج دیا گیا جہاں مینا دیوی کی موت ہوگئی۔
پولیس نے بتایا کہ اس کے شوہر دیپ سنگھ نے شبھم پیرامیڈیکل کمیٹی کے عہدیداروں، ڈاکٹر پون شرما اور پیرامیڈیکل عملہ کے خلاف لا پرواہی برتنے کے الزام میں معاملہ درج کرایا ہے۔
