راجستھان وقف بورڈ: متولی کوٹہ کے لیے ووٹرس میں نظر آیا جوش

راجستھان مسلم وقف بورڈ کے متولی کوٹے کے لیے صبح گیارہ بجے سے ووٹنگ شروع ہو چکی ہے، یہ ووٹنگ دوپہر کو تین بجے تک جاری رہے گی۔ انتخاب کو لے کر ووٹرس میں جوش نظر آ رہا ہیں۔

راجستھان کی درگاہوں کے ذمہ داران اور عہدے دران سمیت دیگر مقامات سے تعلق رکھنے والے لوگ بھی یہاں ووٹ ڈالنے کے لیے پہنچ رہے ہیں۔ وہیں جو ووٹرس ہوٹلوں میں رکے ہوئے تھے، ان لوگوں کو بھی بسوں کے ذریعے مہارانی اسکول میں ووٹ ڈالنے کے لیے لایا جا رہا ہے۔

ووٹ ڈالنے پہنچ رہے لوگوں کا ای ٹی وی بھارت سے بات چیت کے دوران کہنا ہے کہ انتخابی مراکز میں انتظامات صحیح نہیں ہیں، یہاں پر ووٹ ڈالنے کے لئے بزرگوں کو پریشانیوں کا سامنا کرنا پڑ رہا ہے۔

لوگوں کا کہنا ہے کہ ہم لوگ ووٹ ڈالنے کے لیے یہاں پہنچے ہیں، کافی اچھا محسوس ہو رہا ہے۔ جو لوگ قوم اور ملت کا کام کر سکیں گے، انہی لوگوں کو آج ووٹ دینا چاہیے۔

وہیں پولیس کے جوان یہاں تعینات کیے گئے ہیں تاکہ یہاں کسی طرح کا ماحول خراب نہیں ہو اور سیکورٹی انتظامات برقرار رہے۔

ضح رہے کہ راجستھان مسلم وقف بورڈ میں رکن اسمبلی کوٹے سے رفیق خان، رکن پارلیمنٹ کوٹے سے اشک علی ٹاک اور بار کونسل کوٹے سے سید شاہد نقوی کو پہلے ہی چنا جاچکا ہے۔