شبِ برات کو لے کرپولیس کا انتباہ

کورونا وائرس کے پیش نظر ریاست راجستھان میں دفعہ 144 نافذ ہے، یہاں پر چار لوگوں کے ایک ساتھ جمع ہونے پر بھی پابندی عائد کی گئی ہے ایسے میں اب راجستھان مسلم وقف بورڈ کی جانب سے شب برات کو لے کر چند احکامات جاری کیے گئے ہیں۔

راجستھان مسلم وقف بورڈ کی جانب سے جاری کردی احکامات کے مطابق جن درگاہوں، مسجدوں، قبرستان سمیت دیگر کمیٹیاں ہیں انھیں یہ کہا گیا ہے کہ اس مقدس رات کے موقع پر کہیں بھی ایک ساتھ لوگوں کو جمع نہ ہونے دیا جائے۔ اس مقدس شب کے موقع پر لوگ اپنے گھروں میں ہی عبادات کا اہتمام کریں۔

شب برات کو لے کر چند احکامات جاری

راجستھان مسلم وقف بورڈ کے چیئرمین ڈاکٹر خانو خان بودھوالی کا کہنا ہے کہ 'شبِ برات کے موقع پر کہیں بھی کوئی بھی لوگ جمع ہوتے ہوئے نظر آئے تو ان کے خلاف سخت کاروائی عمل میں لائی جائے گی۔

واضح رہے کہ ریاست میں شب برات کی دو الگ الگ تاریخوں کا اعلان کیا گیا ہے، چند علما کے مطابق شب برات آج ہے اور چند کے اسے کل کر روز قرار دے رہے ہیں۔

ایسے میں راجستھان وقف بورڈ کی جانب سے جاری کردہ احکامات میں اس کی کی کہیں وضاحت نہیں کی گئی ہے کہ شب برات کس روز ہوگی۔