Rajasthan Waqf Board Chairman on Madrassas: مدارس کو بند کروانے کے بیان پر وقف بورڈ چیئرمین برہم

راجستھان میں بی جے پی کے رکن اسمبلی کی جانب سے مدارس کو بند کروانے کے بیان پر راجستھان وقف بورڈ چیئرمین نے برہمی کا اظہار کرتے ہوئے رکن اسمبلی پر شدید تنقید کی۔ BJP MLA Statement on madrassas

جے پور:راجستھان کے سابق تعلیم وزیر اور موجودہ رکن اسمبلی واسودیو دیونانی کے مدارس کے تعلق سے دیے گئے بیان کے بعد راجستھان میں چی میگوئیاں شروع ہوگئی ہیں۔ دیونانی نے کہا تھا کہ مدارس میں صحیح تعلیم نہیں دی جاتی اور اس لیے مدارس کو بند کرنا چاہیے۔ رکن اسمبلی کے اس بیان کے بعد میں راجستھان مسلم وقف بورڈ کے چیئرمین ڈاکٹر خانو خان بودھوالی نے ردعمل ظاہر کیا۔ Rajasthan Waqf Board Chairman on Madaris

خان بودھوالی نے کہا کہ بھارت کا آئین ہم سبھی کو برابر کو حق دیتا ہے چاہے تعلیم حاصل کرنے کا حق کیوں نہ ہو لیکن بھارتیہ جنتا پارٹی کے لوگ محض دو فرقوں کے درمیان نفرت پیدا کرنے کا کام کرتے ہیں۔ ہندوؤں اور مسلمانوں کے درمیان اختلاف پیدا کرنے کے لیے بی جے پی کے رہنما اس طرح کی بیان بازی کرتے رہتے ہیں۔