راجستھان: پولیس کے اعلی افسران نے کربلا علاقے کا جائزہ لیا

پولیس محکمے کے ایڈیشنل کمشنر لا اینڈ آرڈر راہل پرکاش، ڈی سی پی نارتھ راجیو پنچار سمیت دیگر اعلیٰ افسران کربلا علاقہ پہنچے۔ ذمہ داران کے ساتھ ایک اجلاس ہوا جس میں انہیں مختلف ذمہ داریاں دی گئیں۔

دارالحکومت جے پور کی تعزیہ کو رام گڑھ موڑ پر واقع کربلا میں دفن کیا جاتا ہے لیکن اس بار کورونا وباء کی وجہ سے ان تمام پروگرامز پر پابندی ہے جس کے مدنظر تمام پولیس محکمہ کے اعلی افسران جائزہ لینے کے لیے کربلا پہنچے تھے۔ یہاں پر پولیس محکمے کے علاوہ جو علاقے کے باشندے ہیں ان سے بھی ان پولیس محکمے کے افسران نے کافی لمبی گفتگو کی اور انہیں بھی کندھے سے کندھا ملا کر کام کرنے کی اپیل کی۔

ایڈیشنل کمشنر لا اینڈ آرڈر راہل پرکاش نے صحافیوں سے بات چیت کے دوران بتایا کہ یہاں پر آنے کے بعد میں مجھے کسی طرح کا کوئی بھی کام سپرد کرنے کی ضرورت ہی نہیں پڑی بلکہ یہاں کے جو مقامی باشندے اور پولیس کے افسر ہیں وہ خود ہی اپنی ذمہ داریوں انجام دے رہے ہیں، اس پورے علاقے میں کسی طرح سے ماحول خراب نہیں ہو اس کے لیے کثیر تعداد میں پولیس کے جوان بھی تعینات کیے گئے ہیں۔