راجستھان حکومت میں اقلیتی وزیر صالح محمد نے بتایا کہ راجستھان کے اقلیتی طبقے کے لڑکے اور لڑکیوں کے لئے 20.15 کروڑ روپے خرچ سے ہاسٹل کی تعمیر کروائی جائے گی۔
انہوں نے بتایا کہ لڑکوں کا ہاسٹل جے پور، جودھ پور اور کوٹا میں تعمیر ہوں گا اور گڈراروڈ میں لڑکیوں کے ہاسٹل تعمیر کروائے جائیں گے۔ انہوں نے بتایا کہ راجستھان حکومت اقلیتی طلبا کو بہتر تعلیم کے ساتھ رہائشی سہولیات کی فراہمی کے لئے کوشاں ہے۔
2021-22 کے بجٹ میں راجستھان کے وزیر اعلی اشوک گہلوت کی جانب سے ان تمام ہاسٹل کا اعلان کیا گیا تھا اور اب اس اعلان کو عملی جامہ پہنایا جا رہا ہے۔