Bharat Jodo Yatra راجستھان میں بھارت جوڑو یاترا کی تیاریاں عروج پر

کانگریس کے رہنما راہل گاندھی کی قیادت میں بھارت جوڑو یاترا کے حوالے سے راجستھان پردیش کانگریس کمیٹی کے رہنماؤں اور عام لوگوں میں کافی خوشی دیکھی جا رہی ہے۔Bharat Jodo Yatra

اجمیر:ملک کی دیگر ریاستوں کی طرح راجستھان میں بھی کانگریس کی بھارت جوڑو یاترا کی تیاریاں زور شور سے جاری ہیں۔ پردیش کانگریس کی جانب ریاست میں بھارت جوڑو یاترا کو کامیاب بنانے کی ہر ممکن کوشش کی جارہی ہے۔Rajasthan Pradesh Congress Begin Preparation For Bharat Jodo Ytra

بھارت جوڑو یاترا آئندہ ماہ دسمبر کے پہلے ہفتے میں راجستھان پہنچے گی۔ اس تناظر میں آل انڈیا کانگریس کمیٹی اقلیتی صدر عمران پرتاپ گڑھی اور بھارت جوڑو یاترا کے انچارج عبدالکلام، راجستھان ریاستی صدر عابد کاغذی کی ہدایات کے مطابق اجمیر ضلع کانگریس اقلیتی ڈپارٹمنٹ کے ضلع صدر محمد محمود خان کی طرف سے میٹنگ کا انعقاد کیا گیا۔

کارکنان کا یہ اجلاس اقلیتی دفتر اجمیر (ہوٹل جنت) میں منعقد ہوا۔ اس میں اجمیر ضلع کے کانگریس کے عہدیداروں نے یاترا کے حوالے سے مختلف پہلوؤں پر تبادلہ خیال کیا۔ اس میں اقلیتی کارکنان سے زیادہ سے زیادہ تعداد میں شرکت کی اپیل کی گئی۔ اس موقع پر ضلع کانگریس اقلیتی سیل کے ضلع صدر حاجی محمود خان کی طرف سے بھارت جوڑو یاترا کے حوالے سے ایک پوسٹر بھی جاری کیا گیا۔Rajasthan Pradesh Congress Begin Preparation For Bharat Jodo Ytra