راجستھان حکومت کی جانب سے گزشتہ روز راجستھان مدرسہ بورڈ کے نئے اراکین کے نام کی فہرست جاری کردی گئی Appointment Member of Rajasthan Madrasa Board جس میں 7 لوگوں کی تقرری کی گئی ہے، ان اراکین میں اسرار قریشی، سعود سعیدی، محمد عتیق، سلیم سوڈھا، حسن محمود قاسمی، لال محمد، حاجی رحمت اللہ شامل ہیں۔
بتایا جارہا ہے کہ وزیراعلی اشوک گہلوت جلد ہی مدرسہ بورڈ کے چیئرمین کا بھی انتخاب کریں گے۔
مدرسہ بورڈ کے رکن بنائے جانے پر اسرار قریشی نے میڈیا سے بات کرتے ہوئے کہا کہ مجھ جیسے چھوٹے کانگریسی کارکن پر راجستھان کے وزیراعلی اشوک گہلوت نے بھروسہ کیا ہے ان کا میں تہہ دل سے شکریہ ادا کرتا ہوں۔ اور انہوں نے جو مجھے ذمہ داری دی ہے اسے میں پوری ایمانداری کے ساتھ کروں گا اسرار قریشی نے کہا کہ مدرسوں کی ترقی کرنا ہی میرا پہلا کام اب ہوگا۔
واضح رہے کہ گذشتہ تین برس سے راجستھان مدرسہ بورڈ کے تمام عہدے خالی تھے تاپم اب سبھہ عہدے پر تقرری کی جارہی ہے۔
