جے پور: مدرسہ پیرا ٹیچر کا 15 اکتوبر سے احتجاج کرنے کا اعلان

راجستھان مدرسہ پیرا ٹیچر تنظیم نے 15 اکتوبر سے شہید اسمارک پر احتجاجی مظاہرہ کرنے کا اعلان کیا ہے۔ اس احتجاج کے ذریعہ وہ راجستھان حکومت سے مدرسہ پیرا ٹیچرز کو پرمنینٹ کرنے کا مطالبہ کریں گے۔

ریاست راجستھان کے دارالحکومت جے پور میں راجستھان مدرسہ پیرا ٹیچر تنظیم کی جانب سے 15 اکتوربر سے شہید اسمارک پر غیر معینہ مدت کے لیے احتجاجی مظاہرہ کرنے کا اعلان کیا گیا ہے۔ آج راجستھان مدرسہ پیرا ٹیچر تنظیم کے ذمہ داران نے پریس کانفرنس کے ذریعہ میڈیا سے بات چیت کے دوران یہ جانکاری دی۔

مدرسہ پیرا ٹیچر تنظیم کے ریاستی صدر اعظم خان پٹھان کا کہنا ہیں کہ ہم لوگوں نے بار بار حکومت سے مستقل کرنے کا مطالبہ کیا، تاہم ابھی تک کانگریس حکومت نے ہمارے مطالبات کو پورا نہیں کیا۔ اس لیے آج ہم اس بات کا اعلان کرتے ہیں کہ 15 اکتوبر سے دارالحکومت جے پور کے شہید اسمارک پر غیرمعینہ مدت کے لیے احتجاجی مظاہرہ کیا جائے گا۔

وہیں تنظیم کے دیگر ذمہ داران کا کہنا تھا کہ راجستھان حکومت اور مرکزی حکومت کی جانب سے جاری کردہ گائیڈ لائن کے مطابق ہی احتجاجی مظاہرے کیے جائیں گے۔ اب ہم اپنے مطالبات کو منوانے کے بعد ہی احتجاج ختم کریں گے۔