راجستھان کے دارالحکومت جےپور میں کل حج کمیٹی کے چیئرمین کے لیے انتخاب ہو گا جس کے لیے حج کمیٹی کے کل 14 اراکین ووٹ ڈالیں گے اور دوپہر تین بجے تک حج کمیٹی کے نئے چیئرمین کا اعلان Rajasthan Hajj Committee President Election tomorrow ہو جائے گا۔
راجستھان حج کمیٹی کے صدر کا انتخاب کل ایک ذرائع کے مطابق راجستھان کے دارالحکومت جے پور کے کشنپول اسمبلی حلقہ سے رکن اسمبلی امین کاغذی کا راجستھان حج کمیٹی کا چیئرمین بننا طے مانا جا رہا ہے، حالانکہ حج کمیٹی کا چیئرمین کون ہوگا اس کا مکمل فیصلہ کل ہوگا۔
واضح رہے کہ گزشتہ تین برس سے راجستھان حج کمیٹی کے چیئرمین کا عہدہ خالی تھا جس کے انتخاب کا آج حکومت کی جانب سے اعلان کیا گیا۔ اور راجستھان حج کمیٹی کے چودہ اراکین کی ایک فہرست جاری کی گئی ہے۔
مزید پڑھین:
اس فہرست میں رکن اسمبلی کے طور پر امین کاغذی، راجستھان مسلم وقف بورڈ کے چیئرمین ڈاکٹر خانوخان بودھوالی، سونو قریسی، افضل محبوب، جاوید پریار، سید ساحل، عبدالجبار، حاجی شاہد، جاوید اقبال، عبدالحکیم، حاجی محمد اشفاق، ریاض فاروقی اور مبارک علی کا نام شامل ہے، راجستھان حکومت کی جانب سے جاری آڈر کے مطابق یہ تمام افراد تین برس تک راجستھان حج کمیٹی کے ممبر رہیں گے۔
