راجستھان اسٹیٹ حج کمیٹی کا فیس بک پیچ ہیک

راجستھان اسٹیٹ حج کمیٹی کے فیس بک پیج کو ہیک کرلیا گیا تھا جبکہ پیج پر ’راجستھان اسٹیٹ حج کمیٹی‘ کے بجائے کچھ اور ہی عنوان درج تھا۔ بعدازاں اس کی اطلاع حج کمیٹی کے ذمہ داروں کو دی گئی۔

راجستھان حج کمیٹی کے فیس بک پیج کو ہیک کئے جانے کی اطلاع پاکر حج کمیٹی کے ذمہ داروں نے فوری طور پر ماہرین سے رابطہ قائم کیا۔

حج کمیٹی کے ذمہ داروں نے ای ٹی وی بھارت سے بات کرتے ہوئے بتایا کہ فیس بک پیج کو ہیک کئے جانے کی اطلاع کے مطابق ماہرین سے ربط قائم کیا گیا اور جلدازجلد پیچ کو معمول کے مطابق لایا جائے گا۔

ریاستی حج کمیٹی کا فیس بک پیج ہیک ہونے کی اطلاع پر عوام نے حیرت کا اظہار کیا ہے۔

واضح رہے کہ راجستھان اسٹیٹ حج کمیٹی کے فیس بک پیج کو ہیکرز نے ہیک کرلیا اور پیج پر شائع مواد کو ہٹاکر دوسرے غیرضروری مواد کو پیج پر اپ لوڈ کردیا گیا۔ حج کمیٹی کے فیس بک پیج پر حج سے متلق خبریں، حکومتی اعلانات وغیرہ کو شائع کیا جاتا تھا۔