راجستھان: کانگریس قانون ساز پارٹی کا اجلاس شروع

گزشتہ کئی دنوں سے جاری سیاسی ہنگامہ آرائی کے بعد جےپور کی ہوٹل فیئر ماؤنٹ میں کانگریس کی قانون ساز پارٹی کا اجلاس شروع ہوچکا ہے۔

جے پور کے کوکس علاقے میں واقع ہوٹل فیئر ماؤنٹ میں قانون ساز پارٹی کا یہ اہم اجلاس گزشتہ شب کا ہونا تھا لیکن وزیراعلی اشوک گہلوت ضروری کام میں مصروف ہونے کی وجہ سے ہوٹل نہیں پہنچ سکے تھے اس لیے آج یہ اجلاس ہو رہا ہے۔

وزیراعلی اشوک گہلوت کی صدارت میں جاری اجلاس میں راجستھان کانگریس کے ارکان اسمبلی جو اشوک گہوت کے حامی ہیں اور کانگریس پارٹی کے دیگر عہدیداران موجود ہیں۔

زرائع کے مطابق اس اہم اجلاس میں کافی اہم فیصلے بھی لیے جاسکتے ہیں جس میں فلور ٹیسٹ اور اسمبلی سے تعلق رکھنے والے فیصلے شامل ہیں۔

واضح رہے کہ پہلے یہ اہم اجلاس صبح گیارہ بجے ہونا تھا لیکن اس اہم اجلاس کے وقت میں تبدیلی کرتے ہوئے دو پہر میں شروع ہوا۔