Morbi Cable Bridge Collapse گجرات میں پل گرنے کے واقعہ کی جانچ ہونی چاہیے، گہلوت

گہلوت نے صحافیوں سے کہا کہ یہ حادثہ انتہائی افسوسناک ہے۔ انہوں نے کہا کہ حکومت اس کی شفاف تحقیقات کرے اور معلوم کرے کہ چند روز قبل تجدیدکاری کے بعد کھلنے والا پل کن حالات میں اور کیسے گرا۔ انہوں نے کہا کہ واقعہ کی مکمل جانچ ہونی چاہیے تاکہ قصورواروں کو سزا مل سکے۔ Rajasthan CM Gehlot Demands Probe in Bridge Collapse Incident

جے پور: راجستھان کے وزیر اعلی اشوک گہلوت نے کہا ہے کہ گجرات کے موربی میں پل گرنے کے واقعہ کی گجرات حکومت کو جانچ کرانی چاہئے تاکہ قصورواروں کو سزا مل سکے۔ گہلوت نے صحافیوں سے کہا کہ یہ حادثہ انتہائی افسوسناک ہے۔ انہوں نے کہا کہ حکومت اس کی شفاف تحقیقات کرے اور معلوم کرے کہ چند روز قبل تجدیدکاری کے بعد کھلنے والا پل کن حالات میں اور کیسے گرا۔ انہوں نے کہا کہ واقعہ کی مکمل جانچ ہونی چاہیے تاکہ قصورواروں کو سزا مل سکے۔ Rajasthan CM Gehlot on Morbi Cable Bridge Collapse

واضح رہے کہ ریاست گجرات کے موربی علاقے میں ایک دردناک واقعہ پیش آیا۔ دراصل مچھو ندی میں ایک کیبل پل گرنے سے 90 سے زائد افراد کے ہلاک ہونے کی خبر آ رہی ہے۔ وہیں متعدد افراد کے زخمی ہونے کی اطلاع ہے۔ ریسکیو کام شروع کر دیا گیا ہے۔ شہر میں کیبل پل کو حال ہی میں تزئین و آرائش کے بعد کھول دیا گیا تھا۔ بتایا جا رہا ہے کہ پُل پر لوگوں کی بڑی تعداد تھی جس کی وجہ سے پُل گر گیا اور لوگ نیچے گر گئے۔ Rajasthan CM Gehlot Demands Probe in Bridge Collapse Incident in Gujarat

گجرات کے وزیر داخلہ ہرش سنگھوی نے اس حادثے پر بیان دیتے ہوئے کہا کہ یہ انتہائی افسوسناک واقعہ ہے۔ موربی میں آج شام تقریباً 6:30 بجے پُل گر گیا۔ اس واقعہ میں شہر کا پورا نظام صرف 15 منٹ میں موقع پر پہنچ گیا۔ امدادی کاموں میں اب تک 70 افراد کو اسپتال پہنچایا گیا ہے۔ وہیں راجکوٹ سے بی جے پی کے رکن پارلیمنٹ موہن بھائی کلیان جی کنڈیریا نے کہا کہ '90 سے زیادہ لاشیں برآمد ہوئی ہیں'۔ گجرات کے پنچایت وزیر برجیش مرجا نے بھی کہا کہ '90 سے زیادہ لوگ مر چکے ہیں'۔

یواین آئی