گہلوت نے ریاستی کانگریس صدر دفتر پر ریاستی کانگریس کمیٹی کے تمام کارکنان، ضلع صدور، گزشتہ لوک سبھا انتخابات اور اسمبلی انتخابات کے امیدواروں، مختلف حلقے کے ریاستی صدور، کنوینرز کی مشترکہ میٹنگ سے خطاب کررہے تھے۔
میٹنگ میں مجاہد آزادی نیتاجی سبھاش چندر بوس کی سالگرہ پر انہیں خراج عقیدت پیش کیا گیا۔ میٹنگ کی صدارت ریاستی کانگریس کے صدر اور نائب وزیراعلی سچن پائلٹ نے کی۔
گہلوت نے کہا کہ مرکز کی بی جے پی حکومت کی غلط پالیسیوں کی وجہ سے ملک کی معیشت خراب ہوئی ہے۔ نوجوان بے روزگاری سے پریشان ہیں اور عوام مہنگائی سےمتاثر ہیں۔
انہوں نے مرکز کی بی جے پی حکومت کی کرنی اور کتھنی میں فرق بتاتے ہوئے کہا کہ آج ریاستوں کو قانون کے مطابق ملنے والی آمدنی کے حصے کوبھی مرکزی حکومت نہیں دے رہی ہے۔
انہوں نے کہا کہ نوجوانوں کے سامنے بے روزگاری سمیت دیگر چیلنجز ہیں ان مسائل کو راہل گاندھی 28 جنوری کو جے پور میں 'نوجوان اشتعال ریلی' کے ذریعہ لوگوں کے سامنے پیش کریں گے۔