وزیر اعلیٰ اشوک گہلوت ہوئے کورونا متاثر

راجستھان کے وزیر اعلیٰ اشوک گہلوت بھی کورونا سے متاثر ہو گئے ہیں۔ بدھ کے روز ان کی اہلیہ سنیتا گہلوت بھی کورونا مثبت پائی گئی تھیں۔

وزیر اعلیٰ اشوک گہلوت نے ٹویٹ میں کہا کہ کورونا ٹسٹ کرانے پر آج میری رپورٹ مثبت آئی ہے۔ مجھے کسی طرح کی علامت نہیں ہے اور میں ٹھیک محسوس کر رہا ہوں۔ کووڈ کی ہدایات پر عمل کرتے ہوئے میں آئسولیشن میں رہ کر کام جاری رکھوں گا۔

ٹویٹ

غور طلب ہے کہ بدھ کے روز وزیر اعلی اشوک گہلوت کی اہلیہ سنیتا گہلوت کورونا کی رپورٹ مثبت آئی تھی۔ انہیں گزشتہ 2 دن سے ہلکا بخار اور سانس لینے میں دشواری ہو رہی تھی۔ ابتدائی علامات ظاہر ہونے پر کورونا کی جانچ کرائی گئی۔

سنیتا گہلوت کی کورونا رپورٹ مثبت آنے کے بعد وزیر اعلی اشوک گہلوت نے خود کو الگ تھلگ کرلیا تھا۔ اس کے بعد وزیر اعلیٰ گہلوت کی صدارت میں ہونے والی تمام میٹنگ کو آئسولیشن میں رہ کر ہی جاری رکھا۔