Rajasthan Celebrates Makar Sankranti: راجستھان میں مکر سنکرانتی کا تہوار جوش و خروش کے ساتھ منایا گیا

راجستھان میں 14 جنوری کو مکر سکرانتی کا تہوار عقیدت و احترام کے علاوہ دھوم دھام کے ساتھ منایا گیا، اس موقع پر جہاں ایک جانب مندروں میں مذہبی پروگراموں کا انعقاد کیا گیا تو وہی دوسری جانب نوجوانوں نے پتنگ بازی بھی کی۔ Rajasthan Celebrates Makar Sankranti

راجستھان کے جے پور شہر میں ہر گھر کی چھت پر کثیر تعداد میں نوجوانوں کا ہجوم نظر آیا۔ خوب جم کر پتنگ بازی کی گئی اور ایک دوسرے کو مبارک باد دی گئی۔

حالانکہ عالمی وبا کورونا کی وجہ سے جو منظر ہر برس نظر آتا ہے ویسا اس برس نہیں دیکھا گیا۔ وہیں شام کو جم کر آتش بازی بھی کی گئی۔ پتنگ بازی میں مصروف افراد نے بتایا کہ بھارت کے ہر تہوار کا ایک الگ پیغام ہوتا ہے۔ ان لوگوں کا کہنا تھا کہ ہم لوگ صبح سے ہی پتنگ اڑانے کا مزہ لے رہے ہیں اور شام میں مایوسی ہورہی ہے کہ مکرسکرانتی کا بڑا تہوار ختم ہوگیا۔

راجستھان میں مکر سنکرانتی کا تہوار جوش و خروش کے ساتھ منایا گیا

لگائی گئی پابندی:

راجستھان حکومت کی جانب سے صوبے میں صبح چھ بجے تا آٹھ بجے تک اور شام پانچ تا سات بجے تک پتنگ بازی پر پابندی عائد کی گئی ہے تاکہ پرندوں کو محفوظ رکھا جاسکے، اس کے علاوہ زخمی پرندوں کا علاج کرنے کےلیے کیمپ بھی لگائے گئے ہیں۔