اجمیر کی سنٹرل جیل میں بدعنوانی کا پردہ فاش

ریاست راجستھان کے اجمیر میں واقع سنٹرل جیل کے سزا یافتہ قیدیوں اور پولیس اہلکاروں کے ذریعہ غیر قانونی وصولی کا پردہ فاش ہوا ہے، جہاں اے سی بی کی کارروائی سے جیل کے اندرونی معاملات کا خوفناک منظر سامنے آیا ۔

اے سی بی افسران کے مطابق جیل میں غیر قانونی کام کی خبر مل رہی تھی اور شکایت تھی کی عام قیدیوں کو جیل میں پریشان کرکے ان کا استحصال کیا جاتاہے۔

اسی سلسلے میں اے سی بی نے جیل میں چھاپہ مارا تو جیل کے اندر کا خوفناک منظر سامنے آیا۔اے سی بی کے ایس پی راجو پچار کے مطابق یوپی کی جیل کی طرح اجمیر کی جیل میں بھی قیدیوں کو سہولتیں فراہم کرانے کی عوض میں بھاری رقم وصول کی جارہی تھی، رشوت خوری کے الزام میں سینٹرل جیل اجمیر سے پولیس اہلکار سنجے سنگھ، کیسارام اور پردھان بینا سمیت دیگر ارکان کو گرفتار کرلیاہے۔اے سی بی کی تفتیش میں سامنے آیا ہے کی جیل میں بند قیدی اگر وصولی کرنے والوں کو رقم نہیں دیتے تھے تو انہیں پیٹا جاتا تھا، وصول کی گئی رقم جیل کے افسران پولیس اہلکاروں سمیت دبنگ قیدی اور دلالوں میں تقسیم کی جاتی تھی، اسی سلسلے میں شکایتیں اے سی بی کو مل رہی تھی، جس کے بعد جیل میں دبش دے کر جیل کے اندرونی معاملات کا اصل چہرہ بے نقاب کیا گیا ہے۔