اطلاعات کے مطابق یہ حادثہ نیشنل ہائی وے 11 شری ڈونگرگڑھ کے قریب پیش آیا۔ جس میں 10 افراد ہلاک ہوگئے ہیں۔
پولیس ذرائع نے بتایا کہ صبح تقریبا سات بجے قومی شاہراہ 11 پر جھنجھو اگاؤں کے نزدیک ٹرک سے ایک پرائیوٹ سلیپر بس دھند کی وجہ سے ٹکرا گئی ۔ آمنے سامنے کی اس ٹکر سے بس میں آگ لگ گئی ۔ اس سے 10 افراد کی موقع پر ہی موت ہو گئی جبکہ تقریبا 25 افراد زخمی ہو گئے ۔
موقع پر موجود گاؤں والوں نے ٹیوب ویل سے پائپ کی مدد سے آگ پر قابو پانے کی کوشش کی ۔
پولیس نے بتایا کہ زخمیوں کو بس سے نکال کر بیکانیر کے پی بی ایس ہسپتال پہنچایا گیا ۔ ادھر پی بی ایس ہسپتال میں پولیس چوکی ذرائع کے مطابق اب تک 10 لاشیں ہسپتال میں لائی جا چکی ہیں ۔ ان میں چار خواتین، ایک لڑکا اور پانچ مرد شامل ہیں ۔
اس کے علاوہ 25 زخمیوں کو داخل کیا گیا ہے ۔ ان میں سے کچھ کی حالت نازک ہے ۔حادثے کی اطلاع موصول ہوتے ہی ضلع انتظامیہ اور پولیس کے اعلی افسران موقع پر پہنچ گئے ۔ ٹرک میں آگ پر قابو پانے کے لیے فائر بریگیڈ کی گاڑیوں کو بلایا گیا ۔ اس حادثے کی وجہ سے قومی شاہراہ پر ٹریفک جام ہو گیا ہے ۔
