کسانوں کی ریل روکو مہم کے اعلان کے بعد پولیس الرٹ

ہریانہ کے ضلع حسار میں 18 فروری کو ریل روکو مہم میں چیدوڑ، آدم پور، اوکلانا بروالا اور رامائن میاڈ کے ٹریک پر دوپہر 12 بجے دھرنا دیا جائے گا۔ جی آر پی اور آر اے ایف تھانہ انچارج نے ایک میٹنگ کی اور اس تحریک کے حوالے سے ضروری ہدایات دیں۔

سنکیت کسان مورچہ کے اعلان کے بعد کسانوں کی ریل روکو مہم پر ریلوے پولیس الرٹ ہوگئی ہے۔ ریلوے کے ڈی ایس پی گورودیال سنگھ نے پیر کو جی آر پی اور آر اے ایف تھانہ انچارج کے ساتھ ایک میٹنگ کی اور اس تحریک سے متعلق ضروری ہدایات دیں۔

میٹنگ کے دوران ڈی ایس پی نے کہا کہ احتجاج کے دوران قانون کی خلاف ورزی نہیں ہونے دی جائے گی۔ جو لوگ ریلوے املاک کو نقصان پہنچانے کی کوشش کریں گے تو ان کے ساتھ سختی سے نمٹا جائے گا۔ ڈی ایس پی نے ریلوے سکیورٹی فورسز اور ریاستی ریلوے پولیس سے رابطہ کرنے کی ہدایت کی۔ جہاں بھی کسان ریل روکتے ہیں وہاں ایک ایمبولینس اور فائر بریگیڈ پہلے ہی تعینات کیے جائیں گے۔

سنکیت کسان مورچہ کے اعلان پر 18 فروری کو کھرک پونیا اور بال سمند میں ہونے والی کسان ریلی میں راکیش ٹکیت بھی شامل ہوں گے۔اس سے متعلق کمیٹی مسلسل مہم چلارہی ہے۔

معاملے کی سنگینی کے پیش نظر ریلوے بیکانیر ڈویژن کی جانب سے ٹرینوں کو جزوی طور پر منسوخ کیا جارہا ہے۔ یہ کام مسافروں کی حفاظت کے پیش نظر کیا جارہا ہے۔ ریلوے کی جانب سے ہریانہ کے کئی روٹوں پر ٹرینیں منسوخ کی جاسکتی ہے، ریلوے نے 18 فروری کے پارسل آرڈر بھی منسوخ کردیئے ہیں۔