ایک طالبہ کے ساتھ راہل گاندھی اسکوٹی پر گھومتے نظر آئے جے پور:کانگریس کے سابق قومی صدر،و رکن پارلیمنٹ راہل گاندھی ہفتہ کو ریاست کے سب سے بڑےوومینس کالج جا پہنچے۔ مہارانی کالجمیں انہوں نے ہونہار طالبات میں اسکوٹی تقسیم کیے اور پھر کالج کی ایک طالبہ کے ساتھ اسکوٹی پر مہارانی کالج سے مانسروور جلسہ گاہ کے لیے روانہ ہوئے۔
راجستھان پردیش کانگریس کمیٹی کے نئے دفتر کا سنگ بنیاد رکھنے، کارکنوں کی کانفرنس میں شرکت اور گاندھی واٹیکا کا افتتاح کرنے کے لئے راہل گاندھی جے پور دورے پر ہیں۔ ان تقریبات سے پہلے راہل گاندھی مہارانی کالج پہنچے۔ یہاں انہوں نے پہلے لائبریری کا دورہ کیا اور پھر ہونہار طالبات میں اسکوٹیز تقسیم کئے۔ یہاں سے راہل گاندھی نے ہیلمٹ پہنا اور ایک طالبہ کے اسکوٹر پر مانسروور میں جلسہ گاہ پہنچنے کے لیے روانہ ہوئے۔ اس دوران ان کی سیکورٹی مین روڈ ٹونک روڈ پر بھاگتی ہوئی دیکھی گئی۔ راہل گاندھی کو اسکوٹر کے پیچھے بٹھانے والی طالبہ بھی کافی پرجوش نظر آئیں۔ آپ کو بتاتے چلیں کہ راہل گاندھی اکثر نوجوانوں کے درمیان اس طرح کے اسٹنٹ کرتے نظر آتے ہیں۔
یہ بھی پڑھیں:راہل گاندھی اچانک دہلی کے آنند وہار ریلوے اسٹیشن پہنچ گئے، قلیوں کے مسائل کو سنا
اس سے پہلے راہل گاندھی نے مہارانی کالج میں طالبات سے بات چیت کی۔ یہاں آنے پر خوشی کا اظہار کرتے ہوئے انہوں نے کہا کہ میں نے کئی تعلیمی اداروں کا دورہ کیا ہے۔ لیکن مہارانی کالج ان بہترین اداروں میں سے ایک ہے جس کا انہوں نے دورہ کیا ۔ اس دوران انہوں نے کہا کہ نوجوانوں کے لیے کیا ضروری ہے اس پر بحث ہونی چاہیے۔ اس دوران راہل گاندھی نے طالبات کے سامنے ملک میں خواتین کی حالت اور خواتین کے ریزرویشن کو لے کر اپنے خیالات کا اظہار کیا۔
آپ کو بتا دیں کہ راہل گاندھی گزشتہ ایک ماہ قبل آزاد پور منڈی پہنچے تھے۔ اس سے پہلے وہ کرول باغ کے بائک مارکیٹ بھی پہنچے تھے۔ اس کے علاوہ انھوں نے ایک کھیت میں دھان بھی لگائی تھی۔ یہی نہیں حال ہی میں راہل گاندھی اچانک دہلی کے آنند وہار ریلوے اسٹیشن پہنچ گئے اور وہاں قلیوں سے ملاقات کی اور مسافروں کا سامان بھی اٹھایا۔اس طرح راہل گاندھی مسلسل لوگوں سے ملاقات کرتے رہتے ہیں۔
