جے پور میں پیرا ٹیچرس کا مظاہرہ جاری

جے پور میں واقع شہید اسمارک پر اساتذہ ملازمت کو مستقل کرنے کو لے کر دھرنے پر بیٹھے ہیں، بتا دیں کہ یہ دھرنا 15اکتوبر سے جاری ہے۔

ریاست راجستھان کے دارالحکومت جے پور میں واقع شہید اسمارک پر اساتذہ ملازمت کو مستقل کرنے کو لے کر گزشتہ 15 اکتوبر سے دھرنے پر بیٹھے ہیں۔ مدرسہ پیرا ٹیچرس کی جانب سے جمعرات کے روز بھوک ہڑتال کا اعلان کیا گیا۔

مدرسہ پیرا ٹیچرس کی جانب سے راجستھان حکومت کے خلاف جم کر نعرے بازی کی گئی۔

مظاہرین نے الزام عائد کرتے ہوئے کہا کہ 'ہم لوگوں کو یہ کہا گیا ہے کہ وزیر اعلی گہلوت آپ تمام لوگوں سے ملاقات کرنا چاہتے ہیں، اس لیے آپ تمام لوگ جے پور پہنچے، لیکن جب ہم لوگ وہاں پر پہنچے تو کسی بھی طرح سے کوئی بات کرنے کے لیے تیار نہیں تھا۔

اس بات سے خفا ہو کر ہم لوگوں کی جانب سے جے پور کے شہید اسمارک پر غیر معینہ دھرنا دے رہے ہیں۔ اس دوران کئی لوگوں نے انشن کرنے کا فیصلہ کیا ہے۔

مظاہرین نے کہا کہ حکومت کو یہ پیغام دینا چاہتے ہیں کہ اگر ایک نومبر تک ہم لوگوں کی مطالبات کو نہیں مانا جاتا تو ہم تمام لوگوں کے اہل خانہ ساتھ انشن کریں گے، اس دوران کثیر تعداد میں مدرسہ پیرا ٹیچر سمیت دیگر لوگ موجود رہے۔