پاکستانی حکومت کے خلاف احتجاجی مظاہرہ

راجستھان کے اجمیر میں سندھی سماج کی جانب سے پاکستانی حکومت کے خلاف خاموش احتجاجی جلوس نکالا گیا۔

اجمیر کے سوامی کمپلکس سے نکالا گیا جلوس ضلع کلکٹر کے دفتر پہنچا جہاں پاکستان کا علامتی پتلا نذرآتش کیا گیا۔

سندھی سماج کا غصہ پاکستان کے خلاف تھا جہاں ہندؤں کی جان و مال اور آبرو کی حفاظت میں پاکستانی حکومت ناکام رہی ہے۔
اجمیر کے سندھی سماج کے رہنماؤں نے پاکستان میں ہندؤں پر ظلم و ستم کے پہاڑ توڑے جانے کا الزام لگایا۔ ان کا کہنا تھا کہ پاکستان میں ہندوؤں کا زبردستی مذہب تبدیل کیا جارہا ہے۔
احتجاجیوں کی جانب سے اسی سلسلے میں صدر جمہوریہ رام ناتھ کووند اور وزیراعظم نریندر مودی کو ایک میمورنڈم روانہ کیا گیا۔