'مسلمان ملک سے محبت کرتے ہیں'

بھارتی ریاست راجستھان کے ضلع  ٹونک میں ضلع ہیڈکوارٹر پر آج شہریت ترمیمی قانون کے خلاف نکالے گیے خاموش جلوس کے بعد ایک احتجاجی اجلاس کا بھی اہتمام کیا گیا۔

اجلاس ٹونک ضلع کی عید گاہ میں منعقد ہوا۔ اس اجلاس میں شریک ہونے کے لیے ہزاروں کی تعداد میں عوام عیدگاہ پہنچی۔

اس درمیان مہمانوں نے عوام سے خطاب کرتے ہوئے کہا کہ 'جو موجودہ مودی حکومت ہے وہ کبھی تین طلاق کے نام پر تو کبھی 370 کے نام پر ملک کو تقسیم کرنے کی کوشش کر رہی ہے لیکن آج تک ہم سڑکوں پر نہیں اترے۔

مہمانوں نے کہا کہ 'جب ملک سے محبت کی بات سامنے آئی تو سڑکوں پر اترنا پڑا۔

انہوں نے کہا کہ 'یہ خاموش جلوس اس لیے نکالا گیا کیونکہ مسلمان ایک امن پسند قوم ہے۔ ہم سب ملک سے محبت کرتے ہیں۔ لیکن اس خاموشی کو اگر حکومت ڈر سمجھ رہی ہے تو وہ حکومت کی غلط فہمی ہے۔'

مہمانوں نے صاف طور پر کہا کہ 'ہمیں شہریت ترمیمی قانون کسی بھی صورتحال میں منظور نہیں ہیں اور جو این آرسی لائی جارہی ہیں اس کو ہم نہیں مانیں گے۔'

مہمانوں کے مطابق 'جب بھی حکومت آپ سے کاغذ کا مطالبہ کریں تو ان سے کہہ دینا کہ وزیر اعظم نریندر مودی کی ڈگریاں دکھا دیجئے۔'

ذمہ داروں کے مطابق 'جس طریقے سے انگریزوں سے جنگ کے درمیان ہمارے بزرگوں نے شہادت دی تھی اسی طریقے سے جب بھی ملک کی بات آئے گی ہم بھی شہادت دے دیں گے۔'