Ghalib's Life And Poetry غالب کی زندگی اور شاعری پر مشتمل گفتگو پروگرام کا انعقاد

اجمیر میں مشہور اردو شاعر مرزا غالب کی زندگی اور شاعری پر مشتمل گفتگو کا پروگرام منعقد کیا گیا۔ پروگرام میں کئی جانے مانے ادیب رام جیسوال، گوپال گرگ، بخشی سنگھ،راس بہاری گوڑ بھی موجود تھے۔ program organized on Ghalib life

اجمیر: راجستھان کے اجمیر میں مشہور اردو شاعر مرزا غالب کی زندگی اور شاعری پر مشتمل ’‘گفتگو‘ کا پروگرام منعقد کیا گیا۔ اجمیر کے ویشالی نگر میں واقع اجمیر پریس کلب میوزیم میں اتوار کی شام منعقد ہ گفتگو پروگرام میں صحافی، مصنف اور پینٹر ونود بھاردواج نے مرزا غالب کی زندگی پر لکھی اپنی کتاب ’گلی قاسم جان‘ پر اپنے خیالوں کا اظہار کیا۔ مرزاغالب کی زندگی سے جڑے کئی دلچسپ قصے اور ان چھوئے پہلوؤں پر روشنی ڈالی گئی ہے۔ Guftagu program organized in Ajmer

انھوں نے بتایا کہ مرزا غالب جیسے مشہور شاعر کی زندگی پر علی گڑھ او رام پور جیسے خیاط نامہ لائبریری میں بھی پورا ادب موجود ہ نہیں ہے۔ دہلی کے چاندنی چوک میں واقع ان کی حویلی کی زندگی نامے کا سفر بنارس، الہ آباد، دہلی، لکھنؤ سے جڑا ہے اور غالب کی پسندیدہ جگہ کاشی رہی ہے۔ پروگرام میں موجود پدم شری ڈاکٹر سی پی دیول نے اپنی خطاب میں کہا کہ مرزا غالب پہلے سے زیادہ آج جڑے ہوئے ہیں۔

انتقال کے بعد ان کی مقبولیت میں اضافہ ہوا اور نوجوانوں میں ان کے تئیں دلچسپی میں اضافہ ہوا ہے۔ پروگرام میں کئی جانے مانے ادیب رام جیسوال۔ گوپال گرگ، بخشی سنگھ،راس بہاری گوڑ بھی موجود تھے۔ کلب کے صدر ڈاکٹر رمیش اگروال نے سبھی کا شکریہ ادا کیا۔ قابل ذکرہے کہ مرزا غالب کی225ویں سالگرہ 27دسمبر کو ہے اور اس سے تقریبا ایک ماہ پہلے پریس کلب میں 27نومبر کو یہ پروگرام کرکے غالب کو یاد کیا گیا۔

یو این آئی