مسلم میئر بنانے کے لیے راجستھان مسلم فورم کی پریس کانفرنس

دارالحکومت جے پور کے مسلم مسافرخانہ میں راجستھان مسلم فورم کی جانب سے پریس کانفرنس منقد کی گئی اور جے پور، جودھپور اور کوٹہ میں مسلم امیدوار کو میئر بنانے کا مطالبہ کیا گیا۔

پریس کانفرنس میں خطاب کرتے ہوئے راجستھان مسلم فورم کے ذمہ داران نے کہا کہ 'کانگریس پارٹی کے رہنماؤں کے ساتھ میں ہوئی میٹنگ میں ہم لوگوں کو یہ کہا گیا کہ کانگریس پارٹی سے غلطی ہوئی ہے اور مستقبل میں مسلم برادری کا خیال رکھا جائے گا۔

راجستھان مسلم فورم کے رکن راشد حسین نے کہا کہ 'مسلم برادری کے لوگوں نے اپنے چار ارکان اسمبلی پر بھروسہ کیا رکھا تھا کہ جب ہمارے امیدوار فتح حاصل کریں گے تو جے پور، جودھپور اور کوٹہ میں میئر ہمارا ہی ہوگا لیکن ہمارے ساتھ دھوکا ہوا اور اس دھوکے کے بعد سبھی لوگوں کی نیند اڑ گئی۔

انہوں نے کہا کہ 'تین روز سے ہم جو ہنگامہ کر رہے ہیں اس کے بعد جس طرح کا ماحول راجستھان میں نظر آ رہا ہے اس سے یہی کہا جاسکتا ہے کہ اب ہمارا ووٹ اور ہمارا راج ہی یہاں پر چلے گا۔

بابو بھائی فریز والا نے کہا کہ ''جہاں جہاں پر بھی قوم کے لیے دھرنا اور احتجاج کیا جائے گا وہاں پر میں موجود رہوں گا۔ عبدالسلام جوہر نے کہا کہ 'جو بھی بیان بازی راجستھان مسلم فورم کے تعلق سے کی جا رہی ہے وہ غلط ہے۔