جے پور: صدر جمہوریہ ہند دروپدی مرمو آج راج بھون جے پور میں کانسٹی ٹیوشن پارک کا افتتاح کریں گی۔ اس موقع پر وہ راجستھان میں سولر انرجی زونز کے لئے ٹرانسمیشن سسٹم کا ورچوئل طریقے سے افتتاح بھی کریں گی اور 1000 میگاواٹ بیکانیر سولر پاور پروجیکٹ کا سنگ بنیاد رکھیں گی۔ اس کے بعد راج بھون جے پور میں وہ راجستھان کے خاص طور پر کمزور قبائلی گروپس کمیونٹیز کے اراکین سے ملاقات کریں گی۔ اسی شام کو ماؤنٹ آبو میں، صدر جمہوریہ برہما کماریوں کی طرف سے منعقدہ رائز-رائزنگ انڈیا تھرو اسپریچول امپاورمنٹ کے موضوع پر ایک قومی مہم کے آغاز کے پروگرام میں شرکت کریں گی۔ Inauguration of Constitution Park in Jaipur Raj Bhawan
دروپدی مرمو ورچوئل طریقے سے برہما کماری سائلنس ریٹریٹ سنٹر، سکندرآباد، تلنگانہ کا بھی افتتاح کریں گی اور مدھیہ پردیش کے اندور میں برہما کماریوں کے آڈیٹوریم اور اسپریچول آرٹ گیلری کا سنگ بنیاد رکھیں گی۔ صدر جمہوریہ ہند 4 جنوری 2023 کو پالی، راجستھان میں بھارت اسکاؤٹس اینڈ گائیڈز کی 18ویں نیشنل جمبوری کے افتتاح کے پروگرام میں بھی شرکت کریں گی۔ صدر مرمو کا راج بھون کے مرکزی دروازے پر راجستھانی روایت کے ساتھ استقبال کیا جائے گا۔ صدر مرمو صبح 11.20 بجے کانسٹی ٹیوشن پارک کا افتتاح کریں گے۔ یہ بھی بتایا جا رہا ہے کہ اس دوران صدر مرمو قبائلی سماج کے لوگوں سے بھی بات چیت کریں گے۔ بعد ازاں سہ پہر صدر جمہوریہ ایک خصوصی طیارے میں ماؤنٹ آبو روانہ ہوں گی جہاں وہ برہما کماری اِشوریہ یونیورسٹی کے پروگرام میں بطور مہمان خصوصی شرکت کریں گی۔