تلنگانہ و مہاراشٹر میں بارش کے قہر سے بچنے کے لیے اجمیر درگاہ پر دعا

ریاست مہاراشٹر و تلنگانہ میں بارش کے قہر سے بچنے اور عوام کی سلامتی کے لیے اجمیر شریف درگاہ میں دعا کا اہتمام کیا گیا۔ ملک بھر سے اجمیر پہنچے زائرین اور مقامی باشندوں سمیت خادموں نے مصیبت دور ہونے کی دعا مانگی۔

ریاست راجستھان کے شہر اجمیر میں واقع سلطان الہند کی بارگاہ اجمیر شریف درگاہ پر مہاراشٹر و تلنگانہ میں بارش کے قہر سے بچنے اور عوام کی سلامتی کے لیے دعا کا اہتمام کیا گیا۔

حضرت خواجہ غریب نوازؒ کی درگاہ کا جہاں شاہجہانی مسجد اور بابا فرید صاحب کا چلہ شریف پر خصوصی دعا کا اہتمام کیا گیا۔ خدام خواجہ اور عقیدت مندوں نے مل کر ملک کی خوشحالی اور ترقی کے ساتھ ساتھ ریاست مہاراشٹر اور تلنگانہ کی عوام کی سلامتی کی دعا بھی کی۔

تلنگانہ و مہاراشٹر میں بارش سے سلامتی کے لیے اجمیر درگاہ پر دعا

واضح رہے کہ ملک کی ریاست مہاراشٹر اور تلنگانہ میں ان دنوں مسلسل بارش کی وجہ سے کئی علاقوں میں پانی بھر گیا ہے اور سیلاب جیسی صورتحالی ہے۔

حالت یہ ہے کہ عوام کو کھانے پینے اور روزگار کے لیے بھی دشواری پیش آرہی ہیں۔ یہی وجہ ہے کہ حضرت خواجہ غریب نواز کی بارگاہ میں عقیدت مندوں نے ان مصیبتوں سے محفوظ رہنے کی دعا مانگی ہے۔

تلنگانہ و مہاراشٹر میں بارش سے سلامتی کے لیے اجمیر درگاہ پر دعا

زائرین کو امید ہے کہ ان مصیبت زدہ لوگوں پر جلد ہی اللہ کا کرم ہوگا اور حالات درست ہو جائیں گے۔