جےپور: پی ایف آئی کا مرکزی حکومت کے خلاف احتجاج

پاپولر فرنٹ آف انڈیا کے ریاستی صدر محمد آصف نےکہا کہ جس طرح سے پاپولر فرنٹ آف انڈیا کے دفتر پر اور عہدےدران پر ای ڈی کی جانب سے چھاپے مارنے کی کارروائی کو انجام دیا گیا وہ تمام کاروائی آر ایس ایس اور ایک خاص ایجنڈے کے تحت ہوئی ہے۔ انہوں نے الزام لگایا کہ جو بھی آر ایس ایس اور مودی حکومت کے خلاف آواز بلند کرتا ہے اس کے خلاف کارروائی کی جاتی ہے۔

تین دسمبر کو منی لانڈرنگ کے معاملے میں ای ڈی کی جانب سے دارالحکومت جے پور میں واقع پاپولر فرنٹ آف انڈیا کے ریاستی دفتر پر کی گئی کارروائی کی مخالفت میں جمعہ کی نماز کے بعد پی ایف آئی کی جانب سے احتجاجی مظاہرہ کیا گیا۔ یہ احتجاجی مظاہرہ دارالحکومت جے پور کے ایم ڈی روڈ علاقے میں واقع مسلم اسکول کے سامنے کیا گیا۔ اس احتجاجی مظاہرے میں مرکزکی مودی حکومت کے خلاف نعرے بازی بھی کی گئی۔

پاپولر فرنٹ آف انڈیا کے ریاستی صدر محمد آصف نے بتایا کہ جس طرح سے پاپولر فرنٹ آف انڈیا کے دفتر پر اور عہدےدران پر ای ڈی کی جانب سے چھاپے مارنے کی کارروائی کو انجام دیا گیا وہ تمام کاروائی آر ایس ایس اور ایک خاص ایجنڈے کے تحت ہوئی ہے۔

انہوں نے کہا کہ جس ملک میں ایسا ماحول بن گیا ہے کہ جو بھی آر ایس ایس اور مودی حکومت کے خلاف آواز بلند کرتا ہے تو اس پر کارروائی ہوتی ہے۔

انہوں نے کہا کی اپنی طاقت کے بل بوتے پر سرکاری ایجنسیوں کا غلط استعمال کیا جارہا ہے، ہم لوگوں کو دبانے کی کوشش کی جا رہی ہے، اس لئے ان لوگوں کی جانب سے یہ فیصلہ لیا گیا ہے کہ ایسے لوگوں کے خلاف آواز بلند کرتے ہوئے احتجاجی مظاہرے کیے جائیں گے۔

انہوں نے کہا کہ جو لوگ شہریت ترمیمی قانون کے خلاف آواز بلند کرتے تھے ان تمام لوگوں مختلف مقدمات کے تحت کارروائی کی جا رہی ہے۔

پی ایف آئی نے احتجاج کیا

پاپولر فرنٹ آف انڈیا کے اس احتجاجی مظاہرے میں دلت مسلم ایکتا منچ، ایس ڈی پی آئی اور ومن انڈیا وینگ سمیت دیگر تنظیموں کے عہدیداران اور کارکنان موجود رہے۔