پولنگ پرامن طور پر جاری ہے اور ووٹنگ کے لیے قائم مختلف پولنگ مراکز پر صبح سے ہی لمبی قطاریں دیکھی جا رہی ہے اور گاؤں میں ووٹنگ کے تئیں لوگوں میں کافی جوش و خروش نظر آ رہا ہے۔
پرامن پولنگ کے لیے قانون و انتظام برقرار رکھنے کے لیے سیکورٹی کے سخت انتظامات کیے گئے ہیں اور اس کے تحت سبھی پولنگ مراکز اور اس کے آس پاس سکیورٹی فورس تعینات کی گئی ہے۔
پنچایت انتخابات کے پہلے مرحلے میں سرپنچ کے عہدے کے لیے 17 ہزار 242 امیدوار اور پنچ کے عہدے کے لیے 42 ہزار 704 امیدوار اپنی قسمت آزما رہے ہیں۔ ریاست میں جھنجھنو اور جیسلمیر کے علاوہ سبھی اضلاع میں پنچایتی انتخابات کے پہلے مرحلے کے تحت پولنگ ہو رہی ہے۔ پولنگ شام پانچ بجے تک جاری رہے گی۔
واضح رہے کہ ریاست کے 31 اضلاع میں 36 سرپنچ بلامقابلہ منتخب کیے جا چکے ہیں۔ اسی طرح گیارہ ہزار 35 پنچ بھی بلامقابلہ منتخب کیے گئے ہیں۔ الیکشن کے محکمہ نے ووٹرز سے جمہوریت کو مضبوط بنانے کے لیے زیادہ سے زیادہ تعداد میں بے خوف ہو کر ووٹ ڈالنے کی اپیل بھی کی ہے۔
TAGGED:
راجستھان میں پنچایت انتخابات