وزیراعظم مودی، کھرگے اور دیگر رہنماؤں کی راجستھان میں عوام سے ووٹ ڈالنے کی اپیل

راجستھان اسمبلی انتخابات کے لئے 199 اسمبلی نشستوں کے لیے آج ووٹنگ ہو رہی ہے۔ وزیراعظم نریندر مودی، کانگریس صدر ملکارجن کھرگے اور دیگر رہنماوں نے عوام سے زیادہ سے زیادہ تعداد ووٹ ڈالنے کی اپیل کی ہے۔ Political leaders appeal to people to vote for assembly election 2023

نئی دہلی: راجستھان میں اسمبلی انتخابات کے لئے ووٹنگ جاری ہے۔ اسی دوران وزیراعظم نریندر مودی کانگریس صدر ملکارجن کھرگے اور دیگر رہنماوں نے راجستھان میں عوام سے زیادہ تعداد میں ووٹ ڈالنے کی اپیل کی ہے۔

وزیراعظم نریندر مودی نے ایکس پر ایک پوسٹ میں کہا کہ ''آج راجستھان اسمبلی انتخابات کے لئے ووٹ ڈالے جائیں گے، میں تمام ووٹرز سے اپیل کرتا ہوں کہ وہ زیادہ سے زیادہ تعداد میں ووٹ ڈال کر ایک نیا ریکارڈ قائم کریں، جمہوریت کے اس تہوار کے موقع پر تمام ووٹرز بالخصوص نئے ووٹرز کو مبارک باد، اور میری نیک خواہشات''۔

وہیں دوسری جانب کانگریس پارٹی کے صدر ملکارجن کھرگے نے ایکس پر ایک پوسٹ میں راجستھان کی عوام سے بھاری تعداد میں ووٹ ڈالنے کی اپیل کی ہے۔ کھرگے نے کہا کہ راجستھان کی عوام کو معلوم ہے کہ ان ایک ایک ووٹ راجستھان کی عوام کی خوشحالی کی گیارنٹی ہے۔

اس کے علاوہ راجستھان میں کانگریس اور بی جے پی دونوں ہی پارٹیوں کے مختلف رہنماؤں نے ووٹ ڈالنے کے بعد عوام سے زیادہ سے زیادہ تعداد میں ووٹ ڈالنے کی اپیل کی ہے۔

راجستھان اسمبلی انتخابات کے لئے 199 نشستوں پر آج ووٹ ڈالے جارہے ہیں۔ ریاست میں کانگریس اور بی جے پی دونوں ہی دعوی کررہی ہے کہ وہ انتخابات میں کامیابی حاصل کریں گے۔ راجستھان میں ووٹنگ صبح 7 بجے سے جاری ہے۔ ریاست کے 5 کروڑ سے زیادہ رائے دہندگان اپنے حق رائے دہی کا استعمال کریں گے۔ راجستھان میں صبح سات بجے ووٹنگ کا آغاز ہوتے ہی کئی مقامات پر لوگوں کو قطاروں میں کھڑے دیکھا گیا ہے۔ راجستھان کے کوٹہ، بیکانیر اور جے پور اور دیگر کئی اضلاع کے علاقوں میں عوام ووٹ ڈالنے کے لئے قطاروں میں کھڑے نظر آئے ہیں۔