اجمیر: کسانوں کی حمایت میں زائرین کا احتجاج

عام لوگوں نے بھی ملک میں جاری کسانوں کی تحریک کی حمایت میں کھل کر سامنے آنا شروع کر دیا ہے۔ اجمیر شریف درگاہ کی زیارت کے لیے ممبئی سے آنے والے زائرین نے اپنے ہاتھوں میں پوسٹر اور بینرز اٹھا کر درگاہ کے نظام گیٹ کے باہر اپنا احتجاج درج کیا۔

ممبئی کے زائرین جو ملک میں امن و امان کی دعا کرنے کے لیے عالمی شہرت یافتہ صوفی حضرت خواجہ غریب نواز کی درگاہ پر پہنچے تھے، وہ کسانوں کی حمایت کرتے ہوئے نظر آئے۔ اس موقع پر زائرین نے کسانوں کی حمایت میں پوسٹر بینر کے ذریعے کسانوں کی حمایت میں اپنا احتجاج درج کیا۔

حنیف اور مبارک نام کے زائرین نے کسانوں کی تحریک اور بی جے پی حکومت کے رویے سے پریشان ہیں۔ انہوں نے کہا کہ کسانوں کے ساتھ ہورہا ہے، وہ انتہائی افسوس ناک ہے۔ انہیں ذلیل اور رسوا کیا جارہا ہے۔ اسی لیے انہوں نے کہ کسانوں کے لیے دعا کرنے کے لیے حضرت خواجہ صاحب کی بارگاہ میں پہنچے۔

ہم آپ کو بتا دیں کہ اترپردیش کے علاقے لکھیم پور کھیری میں اتوار کے روز ریاست کے نائب وزیر اعلیٰ کیشو پرساد موریہ اور مرکزی وزیر مملکت برائے داخلہ اجے مشرا کے دورے کے خلاف کسانوں کے احتجاج کے دوران تشدد پھوٹ پڑا جس میں آٹھ افراد ہلاک اور متعدد زخمی ہو گئے تھے۔ مشرا کے بیٹے آشیش پر تشدد پھیلانے کا الزام ہے کہ انہوں کسانوں پر گاڑی چڑھادی جس کی وجہ سے کسانوں کی موت ہوئی۔

لکھیم پور کھیری تشدد کے بعد بی جے پی حکومت کو تنقید کا سامنا ہے۔ اپوزیشن پارٹیوں اور سول سوسائٹی کی جانب سے کی جارہی تنقید کی وجہ سے بی جے پی حکومت بیک فٹ پر پہنچ گئی ہے۔