آپ نے گھروں میں تالا لگا ہوا دیکھا ہوگا، قیمتی اشیاء کے صندوق میں بھی تالا لگا دیکھا ہوگا لیکن کیا کبھی آپ نے چوری کے خوف سے پانی کے بَیرلس میں تالا لگا دیکھا ہے۔ چلیے آج آپ کو جے پور کے باس بدنپورا علاقے کی کچی بستی کی حیرت انگیز کارگزاری سناتے ہیں۔
جی ہاں ریاست راجستھان کے دارالحکومت جے پور کے باس بدنپورا علاقے کے کچی بستی میں لوگ اپنے اپنے ٹینکوں میں پانی بھرنے کے بعد اس کو تالا لگادیتے ہیں، مقام لوگوں کا کہنا ہے کہ وہ پانی کی چوری کے خوف سے اپنے اپنے ٹینکوں میں تالا لگا دیتے ہیں جس سے ان کا پانی محفوظ رہتا ہے۔
مقامی لوگوں کے مطابق وہ گزشتہ 20 برس سے اس روایات پر عمل کر رہے ہیں چونکہ یہاں پر پانی کی کافی قلت رہتی ہے اور اکثر موسم گرما میں لوگوں کے پاس پانی نہیں ہوتا، جس کے بعد پانی کی چوری کے واقعات پیش آتے رہتے ہیں۔
علاقے میں پائپ لائن نہیں ڈالی گئی ہے، اس لئے یہاں کے مقامی باشندوں کو حکومت کی جانب سے ٹینکر کے ذریعہ پانی بھیجا جاتا ہے، ایک دن میں اس علاقے میں ایک ہی پانی کا ٹینکر سپلائی کیا جاتا ہے اور جیسے ہی وہ ٹینکر بیرلس کو بھر دیتا ہے اس کے بعد یہاں کے مقامی باشندوں کی جانب سے ان ٹنکیوں پر تالا لگادیا جاتا ہے۔
مقامی باشندوں کا کہنا ہے کہ حکومت کی جانب سے یہ دعوے اور وعدے کیے جاتے ہیں کہ ہم عوام کی سہولیات کے لیے تمام طرح کے کام کر رہے ہیں لیکن ہم لوگوں تک تو ابھی تک پانی ہی نہیں پہنچا ہے، ہم لوگوں کو کافی پریشانیوں کا سامنا کرنا پڑ رہا ہے۔ ان کا مطالبہ ہے کہ ہم لوگوں کی پریشانیوں کا جلد سے جلد ازالہ کیا جائے۔
وہیں علاقے کے سماجی خدمت گار کونسلر سلمان منصوری کا کہنا ہے کہ جس علاقے میں پانی کی قلت ہے اس علاقے کا کیس کورٹ میں چل رہا ہے، ہم لوگ جتنی سہولیات ان کو فراہم کروا سکتے تھے وہ تمام سہولیات فراہم کروانے کی کوشش کررہے ہیں۔
