میونسپل کارپوریشن کی عدم توجہی سے عوام پریشان

جے پور میں میونسپل کارپوریشن کی عدم توجہی کی وجہ سے مسلم اکثریتی علاقوں میں جگہ جگہ کچرے کے انبار لگ گئے ہیں۔ اس سے عوام کو کافی پریشانیوں کا سامنا ہے۔

ریاست راجستھان کے دارالحکومت جے پور میں میونسپل کارپوریشن کی عدم توجہی کی وجہ سے مسلم علاقوں کی صورتحال کافی خراب ہیں، مسلم علاقوں کے خستہ حالی کا اندازہ اسی بات سے لگایا جاسکتا ہے کہ ان علاقوں میں جگہ جگہ کچرے کے ڈھیر جمع ہیں۔

وہیں متعدد علاقوں میں سیوریج چیمبروں کی صفائی نہیں ہونے کے سبب کئی محلوں کے سڑکوں پر گندا پانی جمع ہے، جس سے عوام کو ہر روز پریشانیوں کا سامنا کرنا پڑتاہے۔

اس تعلق سے علاقے کے باشندوں کا کہنا ہے کہ ”سیوریج چیمبروں کی صفائی نہیں ہونے سے جے پور کے مسلم علاقوں میں حالات بد سے بدتر ہیں۔ جس سے ہم لوگوں کا جینا دشوار ہے۔''

کچھ باشندوں کا کہنا تھا کہ نگر نگم انتخابات کے وقت کئی امیدواروں نے دعویٰ کیا تھا کہ 'جیت حاصل کرنے کے بعد اس علاقے کی تمام پریشانیوں کو ہم دور کریں گے لیکن اب تک کوئی پارشد اس علاقے کو دیکھنے تک نہیں آیا۔'