سرحد پار سے آیا کھلونا نما پاکستانی غبارہ برآمد

ریاست راجستھان میں ضلع شری گنگانگر کے مٹیلی راٹھن تھانہ علاقہ میں آج ایک کھیت میں پاکستان کی جانب سے آیا ہوا کھلونا نما غبارہ برآمد کیا گیا۔

پولس ذرائع نے بتایا کہ صبح دولت پورہ گاؤں کے قریب لوگوں نے کرشن لال جاٹ کے نرما کے کھیت میں کٹیلی تاربندی کے نزدیک کسی نے غبارہ کو دیکھا۔

پولس کے مطابق غبارہ نما کھلونا تقریباً دو فٹ لمبا اور ایک فٹ چوڑا ہے، پلاسٹک سے بنے غبارہ پر پی آئی اے (پاکستان انٹرنیشنل ایئرلائنس) کے ساتھ نیچے کی طرف انگریزی میں نمبر لکھے ہیں، ممکن ہے کہ یہ کھلونا بنانے والی کمپنی کا کوئی کوڈ ہے۔ غبارہ پر پاکستان کا چاند تارہ کا نشان بھی ہے۔

پولس کے مطابق یہ غبارہ سرحد پار سے ہوا کے ذریعہ ادھر آیا ہے، پولس نے غبارہ ضبط کرلیا ہے، غبارہ میں فی الحال کچھ مشتبہ نہیں ہے، اس معاملے میں خفیہ ایجنسی بھی معاملے کا پتہ لگا رہی ہے، اس سرحدی علاقہ میں ایسے غبارہ اور کھلونا نما غبارہ اکثر سرحد پار سے اڑکر آتے رہتے ہیں۔