Pakistan Govt offers 'Chadar' at Ajmer Dargah: درگاہ خواجہ میں پاکستانی چادر کا نذرانہ

وزیر اعظم نریندر مودی کی چادر کے بعد پڑوسی ملک پاکستان کی چادر خواجہ غریب نوازؒ کے 810 ویں عرس پر پہنچی۔ 810th Urs of Khwaja Garib Nawaz

حضرت خواجہ غریب نوازؒ کے عرس مبارک پر پڑوسی ملک پاکستان کی چادر پہنچی۔ پاکستان کے وزیر اعظم عمران خان اور وہاں کے لوگوں کی جانب سے پاکستان سفارت خانے کے کمشنر آفتاب حسن خان یہ چادر پیش کرنے اجمیر پہنچے تھے۔ Pakistan Govt offers 'Chadar' at Ajmer Dargah

حالانکہ یہ چادر ہر سال پاکستانی وفد کی شکل میں پیش کی جاتی تھی، لیکن کورونا وبا کی وجہ سے وفد کا اجمیر آنا ممکن نہیں رہا۔ اس سال عرس میں تقریباً 600 پاکستانی زائرین کی شرکت متوقع تھی۔ Pakistani Devotees in khwaja Garib nawaz urs

آفتاب حسن کے مطابق خواجہ صاحب کی بارگاہ میں حاضری کا مقصد دونوں ممالک کے درمیان بھائی چارہ اور امن و امان برقرار رہے ساتھ ہی پوری دنیا کو اس مہلک وبا سے نجات ملے۔ Aftab Hasan Khan in Ajmer

اگرچہ اس بار پاکستانی وفد کے عرس میں شرکت نہ کرنے کی وجہ سے مایوسی ہوئی ہے، لیکن ان تمام زائرین کی جانب سے خواجہ صاحب کی بارگاہ میں اس تعلق سے دعا بھی کی گئی کہ آئندہ سال درگاہ اجمیر میں حاضری ممکن ہوسکے۔

آفتاب حسن اور ان کے ساتھیوں کی درگاہ کے سجادہ نشیں کی جانب سے دستاربندی کی گئی اور دربار کا تبرک پیش کیا گیا۔