جئے پور میں ’ایک شام پاپولر فرنٹ کے نام‘ پروگرام کا انعقاد

پاپولر فرنٹ آف انڈیا کے یوم تاسیس کے موقع پر 7 تا 17 فروری راجستھان کے جئے پور میں مہم چلائی جارہی ہے۔

جئے پور کے امیر علاقے میں ’ایک شام پاپولر فرنٹ کے نام‘ سے پروگرام منعقد کیا گیا جس میں ریاستی رہنما، کارکنان اور مقامی لوگوں نے شرکت کی۔

اس موقع پر تنظیم کے رکن حیدر علی نے بتایا کہ ’کچھ طاقتیں ملک کو کنٹرول کرنے کی کوشش کررہی ہیں جبکہ ایسی طاقتوں کو پاپولر فرنٹ آف انڈیا کی جانب سے منہ توڑ جواب دیا جائے گا۔ اسی مقصد کے تحت جئے پور میں ایک پروگرام منعقد کیا گیا۔ انہوں نے کہاکہ فرقہ پرست طاقتوں کے خلاف ہمیشہ آواز اٹھائی جاتی رہے گی۔

جئے پور میں ’ایک شام پاپولر فرنٹ کے نام‘ پروگرام کا انعقاد

واضح رہے کہ پی ایف آئی اے کے 14 سال مکمل ہونے کے موقع پر اس طرح کے پروگرام منعقد کئے جارہے ہیں۔ تاہم یہ پروگرام یوم تاسیس کے موقع پر چلائی جارہی مہم کا حصہ ہے۔ جئے پور میں اس طرح کے مزید پروگرامز منعقد کرنے کا منصوبہ ہے۔