ٹرک، ٹرالی اور پک اپ کی ٹکر میں ایک شخص ہلاک

راجستھان کے راوتسر کے میگا ہائی وے سے چار کلو میٹر کے فاصلے پر ٹرک، ٹرالی اور پک اپ کی زپردست ٹکر میں ایک فرد ہلاک اور دیگر زخمی

اس حادثے میں، پک اپ ڈرائیور کی موقع پر ہی موت واقع ہو گئی، جبکہ ٹرک اور ٹرالی میں زبردست آگ لگ گئی جس میں دو افراد جھلس گئے۔

واقعہ کی اطلاع ملتے ہی تھانہ انچارج ارون چودھری، ڈی ایس پی رنویر مینا موقع پر پہنچے اور حادثے کا جائزہ لیتے ہوئے بتایا کہ ' ٹرک، پک اپ اور ٹرالی میں زبردست ٹکر ہوئی ہے ۔ جس کی وجہ سے ٹرک اور ٹرالی میں آگ لگ گئی۔ وہیں پک اپ میں لدی شراب سڑک پر بکھر گئی اور پک اپ بری طرح سے خراب ہوگئی ہے۔

اس حادثے میں پک اپ ڈرائیور بلوان ساکن رامسرا بھادرا کی موقع پر ہی موت ہو گئی ہے، وہیں سومیس سنگھ شدید زخمی ہے، جنہیں فوری طور پر سرکاری ہسپتال پہنچایا گیا۔

وہیں ٹرالی میں سوار ایک شخص کو ضلع ہسپتال پہنچایا گیا ہے ٹرک اور ٹرالی میں لگی آگ پر فائر بریگیڈ کی مدد سے جلد ہی قابو پا لیا گیا ہے۔