جھنجھنو: گرام پنچایتوں کو بھی میں کام ملے گا

ضلع جھنجھنو میں گرام پنچایت کی ترقی کے لیے خواہش مند لوگوں کو اب گرام پنچایت سطح پر محنتانے پر رکھا جائے گا۔

ریاست راجستھان کے جھنجھنو ضلع کونسل کے چیف ایگزیکیوٹو افسر (سی ای او)رام نیواس جاٹ نے آج بتایا کہ 'اس سے گرام ڈولپمنٹ افسر کو اپنا کام کرنے میں آسانی ہوگی۔ ساتھ ہی دیہی ترقی منصوبوں کی عام لوگوں میں تشہیر کرکے اسے زمین پر بہتر طریقے سے نافذ کیا جاسکے گا، وہیں گرام پنچایت میں 5 سے 7 لوگوں کو کام مل سکے گا۔

انہوں نے بتایا کہ 'ہر گرام پنچایت میں صاف صفائی کے لیے کام کرنے والے، سماج آڈٹ کے لیے پانچ لوگ، شجر دوست کے طورپر پارٹ ٹائم ہنر مند ساتھی، راج مستری اور چار پنچایتوں پر ایک بہترین ٹیکنیشین کی آؤٹ سورسنگ خدمات لینے کا التزام کیا گیا ہے۔

سبھی گرام پنچایتوں کے سرپنچ اور گرام ڈولپمنٹ افسر ہی اپنے گاؤں سے ہی بہترین لوگوں کا انتخاب کریں گے۔