شہریت ترمیمی قانون پر نرملا سیتارمن کی صفائی

ملک بھر میں جاری شہریت ترمیمی قانون کے تنازعہ کے درمیان مرکزی وزیر خزانہ نرملا سیتارمن نے کہا کہ سی اے اے شہریت دینے والا قانون ہے نہ کہ چھین نے والا۔

ریاست راجستھان دارالحکومت جئے پور میں وزیر خزانہ نے بی جے پی کے ریاستی دفتر میں کارکنان سے خطاب کرتے ہوئے کہا کہ 'شہریت ترمیمی قانون اور این آر سی مختلف ہیں۔ سی اے اے کے تحت بھارت میں صرف پاکستان، افغانستان اور بنگلہ دیش سے تعلق رکھنے والے اقلیتوں کو ہی شہریت دی جائے گی'۔

شہریت ترمیمی قانون پر نرملا سیتارمن کی صفائی

انہوں نے کہا کہ 'اگر کسی دوسرے مذہب سے تعلق رکھنے والے افراد بھی بھارت کی شہریت کا مطالبہ کرتے ہیں تو انہیں جنرل سٹیزن شپ ایکٹ کے تحت درخواست دینا ہوگا اور جو قانون اس میں ہیں ان پر نافذ ہوگا۔

نرملا سیتارمن نے کانگریس پر نکتہ چینی کرتے ہوئے کہا کہ کانگریس ہندووں کے علاوہ سب کو راضی کرنے میں لگی رہتی ہے اور ہندوؤں کے لیے کچھ نہیں کرتی ہے۔ اسے ہندؤں کی کوئی پرواہ نہیں ہے لیکن ہم تمام مذاہب کو یکساں اہمیت دیتے ہیں۔