ناگور: پانچ افراد کی نالے میں ڈوبنے سے موت

پولیس نے پانچوں لاشوں کی برآمدگی کے بعد جانچ شروع کر دی ہے، لوگوں نے لواحقین کو مدد فراہم کرنے کا مطالبہ بھی کیا ہے۔

ریاست راجستھان کے ضلع ناگور میں 5 لوگوں کی پانی میں ڈوبنے سے موت ہو گئی، ہلاک ہونے والوں میں پانچ میں سے تین بھائی تھے۔

یہ سبھی افراد ناگور ضلع کے دیہات گیگانا اور پنچوڈی علاقہ سے تعلق رکھتے تھے۔

جانکاری کے مطابق دو دوست بہتے نالہ میں نہا رہے تھے، اس دوران ان کی ڈوبنے سے موت ہو گئی، اس کے علاوہ تین چچیرے بھائی گہرے کھڈے میں نہاتے وقت ڈوبنے سے ہلاک ہو گئے۔

فی الحال پولیس نے پانچوں لاش کی برآمدگی کے بعد جانچ شروع کر دی ہے۔ وہیں ممبر پارلیمنٹ ہنومان بینیوال نے اس حادثے پر دکھ کا اظہار کیا ہے اور ہلاک ہوئے نوجوانوں کے لواحقین کو مدد فراہم کرنے کا مطالبہ کیا ہے۔