تیسرا عشرہ: مسلمان گھروں میں ہی رہ کر عبادت کر رہے ہیں

ماہ رمضان المبارک کا تیسرا عشرہ چل رہا ہے۔ اس دوران راجستھان کے اجمیر میں مسلمان گھروں میں ہی رہ کر نماز، روزہ اور اللہ عزوجل کی عبادت کر رہے ہی۔

رحمت، برکت اور مغفرت کی طلب کے بعد اب جہنم سے نجات کے لیے رمضان کے آخری عشرہ میں دعاؤں کا سلسلہ جاری ہے۔

ریاست راجستھان کے شہر اجمیر کے مسلم علاقوں میں بھلے ہی کورونا وائرس کی وجہ سے لاک ڈاؤن ہو، مگر اللہ عزوجل کی عبادت میں کسی طرح کا کوئی خلل نہیں پڑ رہا ہے۔

بچے دعا کرتے ہوئے

اس دوران اجمیر درگاہ پر ایک عقیدت مند ہمایوں خان نے کہا کہ روزے دار رمضان کی عبادت کا لطف اٹھا رہے ہیں اور سحری، افطاری کے وقت اللہ سے دعا کر رہے ہیں۔

ہمایوں خان نے مزید کہا کہ مسلم طبقہ کا ہر شخص حکومت ہند کے ساتھ کھڑا نظر آرہا ہے اور لاک ڈاؤن کا احترام کرتا دکھائی دے رہا ہے۔