الور میں 12 لاکھ 59 ہزار سے زیادہ لوگوں کا ویکسینیشن مکمل

چیف میڈیکل اینڈ ہیلتھ افسر ڈاکٹر اوم پرکاش مینا نے بتایا کہ طبی محکمہ کی طرف سے اب تک 12 لاکھ 59 ہزار 258 لوگوں کو ٹیکہ لگایا گیا ہے۔

راجستھان کے الور ضلع میں اب تک 12 لاکھ 59 ہزار سے زیادہ کورونا کے ٹیکے لگائے جا چکے ہیں۔

چیف میڈیکل اینڈ ہیلتھ افسر ڈاکٹر اوم پرکاش مینا نے بتایا کہ طبی محکمہ کی طرف سے اب تک 12 لاکھ 59 ہزار 258 لوگوں کو ٹیکہ لگایا گیا ہے۔ مسٹر مینا نے بتایا کہ محکمہ کی طرف سے پہلے 18 پلس کے لوگوں کو صرف آن لائن رجسٹریشن کے بعد ہی ٹیکہ لگایا جارہا تھا لیکن ٹیکہ کاری میں تیزی لانے کی کوشش کے تحت اب ٹیکہ کاری مرکز پر ہاتھوں ہاتھ رجسٹریشن کراکر بھی لوگوں کو ویکسینیٹ کیا جارہا ہے۔

انہوں نے لوگوں سے اپیل کی کہ کورونا وبا سے بچاو کے لئے ٹیکہ کاری مرکز پر جاکر ٹیکہ ضرور لگوائیں اور مرکز پر ٹیکہ کاری کیلئے لائن میں لگنے پر سوشل ڈسٹینسنگ کے ساتھ ماسک لگاکر ٹیکہ لگوائیں جس سے کہ کورونا کی ممکنہ تیسری لہر کے اثر سے بچ سکیں۔

یو این آئی