اجمیر میں بھی یوم عاشورہ کا منفرد انداز

اجمیر شریف میں محرم الحرام کے موقع پر ہائیدوس کھیلی گئی، جبکہ مسلمانوں نے تلوار لہرا کر امام حسین کو خراج عقیدت پیش کیا۔

شہدائے کربلا کی یاد میں اجمیر شریف میں کربلا کا منظر پیش کیا گیا، درگاہ علاقے کے اندر کوٹ چمچماتی ننگی تلواروں سے ہائیدوست کی رسم ادا کی گئی جس میں کثیر تعداد میں عقیدت مندوں نے شرکت کی۔

وہیں ضلع انتظامیہ کی جانب سے سکیورٹی کے پختہ انتظامات کیے گئے تھے۔

عاشق حسین علیہ السلام نے اجمیر کے اندرکوٹ علاقے میں شہدائے کربلا کی یاد میں ڈولے شریف تعزیہ کی سواری کا خصوصی اہتمام کیا اور قدیمی محرم کی رسم ہائدوس ادا کی گئی۔

سنہ 1960 سے اجمیر کے مسلم علاقے میں نو اور دس محرم کو خصوصی اہتمام کیا جاتا ہے جس میں ریاست کے مختلف علاقوں سے عقیدت مند شرکت کرتے ہیں۔

عقیدت مندوں کے ذریعہ کھیلی گئی اس ہائدوس میں کئی لوگ زخمی بھی ہوئے۔ اس کے باوجود عقیدت مندوں کا جذبہ کم نہیں ہوا۔ عاشق حسین کربلا کا منظر پیش کرتے ہوئے نظر آئے۔

حضرت بی بی فاطمہ رضی اللہ تعالی عنہا کے نام کا ڈھولے شریف تعزیہ ہتاہی چوک میں لایا گیا ویسے ہی ہائدوس مکمل ہوئی۔