الور میں ایک بار پھر ماب لنچنگ

رکشا چوری کے الزام میں الور شہر کے شیو لال علاقے میں لوگوں نے دو افراد سمیت ایک خاتون کو بجلی کے کھمبے سے باندھ کر مارا پیٹا۔

راجستھان کے ضلع الور میں ایک بار پھر ماب لنچنگ کا معاملہ سامنے آیا ہے۔ دراصل رکشا چوری کے الزام میں الور شہر کے شیو لال علاقے میں لوگوں نے دو افراد سمیت ایک خاتون کو بجلی کے کھمبے سے باندھ کر بے رحمی سے پٹائی کر دی۔

معاملے کی اطلاع ملتے ہی پولیس موقع پر پہنچ گئی۔ پولیس نے متاثرہ افراد کو اپنے قبضے میں لے لیا اور معاملے کی تفتیش شروع کردی ہے۔

مقامی لوگوں نے الزام لگایا کہ یہ خاتون اور دونوں نوجوان رکشا چوری کرتے ہوئے رنگے ہاتھوں پکڑے گئے اور چوری کے بعد فرار نہ ہو جائیں اس لئے انہیں بجلی کے کھمبوں سے باندھ دیا گیا۔

لوگوں کا الزام ہے کہ اس علاقے سے رکشا چوری کی متعدد وارداتیں ہوچکی ہیں۔

پولیس نے مار پیٹ کرنے والے 4 افراد کو گرفتار کر لیا ہے۔ فی الحال پولیس معاملے کی تحقیقات کر رہی ہے۔

واضح رہے کہ الور میں ماب لنچنگ کا یہ پہلا واقعہ نہیں ہے۔ اس سے پہلے بھی متعدد وارداتیں ہوچکی ہیں۔