راجستھان: لفٹ دینے کے بہانے خاتون کے ساتھ اجتماعی جنسی زیادتی

راجستھان کے ضلع باڑمیر میں مہیلا تھانے میں لفٹ دینے کے بہانے گینگ ریپ کا سنسنی خیز معاملہ درج ہوا ہے۔

تین افراد پر الزام ہے کہ انہوں نے لفٹ دینے کے بہانے خاتون کو بالدیو نگر کے سنسان مکان میں لے کر آئے اور اس کے بعد خاتون کے ساتھ جنسی زیادتی کی، متاثرہ خاتون نے یہ بھی الزام عائد کیا کہ تینوں افراد نے اس کے بچے کی گردن پر چاقو رکھ کر دھمکایا۔

متاثرہ خاتون نے کل شام مہیلا تھانے میں مقدمہ درج کرایا ہے۔

مہیلا تھانہ کی افسر تلا بیگڑ نے بتایا کہ خاتون نے رپورٹ پیش کی ہے کہ کمپٹیشن امتحانات کی تیاری کرنے کے لیے باڑمیر شہر میں رہتی ہے۔ وہ اپنے گاؤں کے لیے بچے کے ساتھ روانہ ہوئی تھی۔

اسی دوران لفٹ دینے کے بہانے اسے بلدیو نگر کے سنسان مکان میں لے جایا گیا جہاں تین لوگوں نے اس کے ساتھ جنسی زیادتی کی اور اسے دھمکایا بھی گیا نیز بچے کی گردن پر چاقو رکھ کر اسے بھی بار بار دھمکایا گیا۔

اس معاملے میں گینگ ریپ کا مقدمہ درج کر کے متاثرہ کا میڈیکل ٹیسٹ کرایا گیا ہے، متاثرہ نے تین افراد پر مقدمہ درج کرایا ہے۔

پولیس کے اس معاملے میں مقدمہ درج کر کے جانچ شروع کردی ہے، وہیں اس واقعے نے باڑمیر میں قانونی نظام سے متعلق کئی سوال کھڑے کر دئے ہیں۔ اب دیکھنا یہ کہ پولیس ملزمین کو کب گرفتار کرتی ہے اور متاثرہ کو کب انصاف دلاتی ہے۔