راجستھان میں عید الاضحیٰ کا تہوار آج منایا جارہا ہے۔ اس موقع پر جوہری بازار علاقے میں واقع جامع مسجد کے امام مفتی امجد نے راجستھان کے عوام کے نام پیغام دیا ہے۔
انہوں نے کہا کہ میں سب سے پہلے اس مبارک موقع پر پورے راجستھان کی عوام کو مبارکباد پیش کرتا ہوں، اللہ ہمارے اس خوشی کے دن کو مبارک فرمائے اور ہمارا پورا سال خیر اور سلامتی کے ساتھ گزرے۔
عیدالاضحیٰ کے موقع پر جامع مسجد کے امام کا عوام کے نام پیغام
انہوں نے کہا کہ عید الاضحیٰ کے موقع پر قربانی کا بڑا عمل ہوتا ہے یہ ایک بہت ہی بڑی عبادت ہے لہٰذا اس کو عبادت کے طریقے سے مکمل کیا جائے۔
ہمیں اس بات کا خیال رکھنا چاہیے کہ قربانی کے بعد میں خود بھی قربانی کا گوشت رکھیں اور اہل خانہ اور غریب یتیم لوگوں تک بھی گوشت پہنچائے۔