Khawaja Gharib Nawaz اجمیر میں خواجہ غریب نواز کے عرس سے متعلق میٹنگ

درگاہ کمیٹی حضرت خواجہ غریب نواز رحمتہ اللہ علیہ اجمیر کے عرس سے متعلق میٹنگ دوسرے روز بھی میٹنگ ہوئی۔ Preparation Of Ajmer Dargah Urs

اجمیر: ریاست راجستھان کے اجمیر شہر میں درگاہ کمیٹی حضرت خواجہ غریب نواز رحمتہ اللہ علیہ کی جانب سے عرس سے متعلق میٹنگ ہوئی اس میٹنگ میں ضروری پینٹنگ اور مرمت کے کاموں کو جلد مکمل کرنے کی ہدایات دی گئیں۔ اس کے ساتھ دیگر محکموں کے جاری کاموں کا جائزہ لینے کے بعد کاموں کی پیش رفت پر ضلع انتظامیہ کا شکریہ ادا کیا۔ درگاہ کمیٹی کے صدر رضوی نے کہا کہ عرس کے موقع پر کی جانے والی تیاریوں کے حوالے سے تمام فیصلے کر لیے گئے ہیں۔ اجلاس میں قاسم ملک، سید بابر اشرف، وسیم راحت علی، سپت خان، جاوید پاریکھ اور نائب صدر منور خان نے شرکت کی۔ اجلاس میں ایجنڈا ناظم سمیع احمد خان نے پیش کیا۔ Preparation Of Ajmer Dargah Urs

درگاہ کمیٹی نے سجادہ نشین کے ذمہ داران کے ساتھ درگاہ شریف سے وابستہ تنظیموں انجمن سیدزادگان اور انجمن یادگار کے ساتھ بات چیت کی۔ اجلاس میں سب نے متفقہ طور پر فیصلہ کیا کہ ہمیں عرس میں زائرین کو زیادہ سے زیادہ سہولیات فراہم کرنی ہیں باہمی ہم آہنگی پیدا کرکے خواجہ غریب نواز رحمتہ اللہ علیہ کے عرس کو کامیاب بنانا ہے۔

اس موقع پر انجمن سید زادگان کے سیکرٹری سید سرور چشتی، ممبر سید منور خان اور انجمن شیخ زادگان کے صدر شیخ محمد سبحان چشتی، سیکرٹری زاہد الحق چشتی کے علاوہ سجادہ نشین صاحب کے نمائندے سید نصیر الدین چشتی اور سیکرٹری پیرزادہ غلام نجمی بھی موجود تھے۔ Preparation Of Ajmer Dargah Urs

واضح رہے کہ گزشتہ روز بھی عالمی شہرت خواجہ غریب نواز رحمتہ اللہ علیہ کے 811ویں عرس مبارک کی تیاریوں کے سلسلے میں ضلع انتظامیہ اور درگاہ سے منسلک مختلف تنظیموں کے درمیان اہم میٹنگ ہوئی تھی جس میں سکیورٹی انتظامات اور زاائرین کی سہولیات فراہم کرنے سے متعلق اہم موضوع پر تبادلہ کیا گیا تھا۔ Preparation Of 811th URS