Maulana Azad University Officials Visit Ajmer Dargah: مولانا آزاد یونیورسٹی کے عہدیداران کی اجمیر درگاہ میں حاضری

مولانا آزاد یونیورسٹی Maulana Azad University in Rajasthan جودھ پور میں اقلیتوں کی واحد یونیورسٹی ہے، جہاں موجودہ وقت میں 13 ہزار سے زائد طلبہ تعلیم حاصل کر رہے ہیں۔ اس یونیورسٹی کے عہدیداران نے اجمیر شریف درگاہ پر حاضری دی۔

اجمیر: مارواڑ مسلم ایجوکیشن اینڈ ویلفیئر سوسائٹی Marwar Muslim Education and Welfare Society کے تحت چلنے والی مولانا آزاد یونیورسٹی کے وائس چانسلر سید جمیل کاظمی کے مطابق سوسائٹی کے صدر محمد عتیق احمد کی سرپرستی میں مسلم طلبہ کے لئے اعلی ترین فلاحی کام کیے جا رہے ہیں۔ یونیورسٹی انتظامیہ زمینی سطح پر رہ کر معاشی طور پر پسماندہ طلبہ کو اعلی تعلیم فراہم کرنے کی کوشش کر رہی ہے۔

خصوصی طور پر اقلیتی خواتین کے لیے مختلف پروگرام بھی چلائے جارہے ہیں تاکہ انہیں بھی تعلیم سے جوڑا جا سکے۔

سوسائٹی کے چیئرمین محمد عتیق احمد کے مطابق یونیورسٹی میں گریجویشن، پوسٹ گریجویشن کے ساتھ ساتھ مختلف مضامین میں پی ایچ ڈی کی سہولیات بھی فراہم کی جارہی ہیں۔

اس کے علاوہ جودھ پور میں جلد ہی اقلیتوں کی پریشانیوں پر ایک ریسرچ سینٹر بھی کھولا جائے گا جس سے طلبہ کی تعلیم میں آ رہی دشواریوں کا پتہ لگایا جا سکے گا۔

واضح رہے کہ مارواڑ مسلم ایجوکیشن اینڈ ویلفیئر سوسائٹی کے چیئرمین محمد عتیق احمد اور ممبر صابر علی کے ساتھ مولانا آزاد یونیورسٹی کے وائس چانسلر جمیل کاظمی کا اجمیر شریف درگاہ میں غریب نواز خدمت فاؤنڈیشن کے سید عمران چشتی اور سید گلفام چشتی نے استقبال کیا اور ان کی دستار بندی کی۔