راجستھان مسلم وقف بورڈ کے چیئرمین ڈاکٹر خانو خان بودھوالی نے کہا کہ ریاست کے ناگور ضلع میں مسلم وقف بورڈ کی جانب سے اگر الٹ پھیر اور بے قاعدگیوں پر کاروائی کی جاتی ہے تو اس میں اتنا فائدہ ہے کہ اس سے راجستھان حکومت کا ایک بجٹ جاری ہو سکتا ہے۔
'ناگور میں وقف کی بہت جائیداد ہے'
راجستھان مسلم وقف بورڈ کےچیئرمین ڈاکٹر خانو خان کا کہنا ہے کہ راجستھان کے ناگور ضلع میں ایک ہزار کے قریب مسلم وقف بورڈ کی زمین اور جائیداد ہے، جن میں ناگور ضلع کا ناگور شہر، ڈیڈوانہ، مڑتا، پربتسر سمیت دیگر شہر شامل ہے۔
انہوں نے کہا کہ راجستان مسلم وقف بورڈ کی جانب سے اگر یہاں پر کاروائی کو عمل میں لایا جاتا ہے تو شاید اتنا پیسہ آئے گا کہ ہم اندازہ بھی نہیں لگا سکتے، انہوں نے مزید کہا کہ حکومت اپنا ایک سال کا بجٹ ناگور میں کاروائی کرنے کے بعد جاری کر سکتی ہے۔