'لاک ڈاؤن کا فیصلہ غریبوں کے حق میں نہیں'

ہندوستانی عوام مورچہ کے ترجمان دانش رضوان نے حکومت کے ذریعہ ریاست میں لاک ڈاؤن نافذ کیے جانے کو غریبوں کے حق میں پریشانی کا باعث قرار دیا ہے۔

بہار حکومت کی جانب سے ریاست میں لاک ڈاؤن نافذ کیے جانے کے فیصلے پر کچھ سیاسی جماعتوں نے تنقید کرتے ہوئے غریبوں کو نظر انداز کرنے کا الزام عائد کیا ہے۔

اس تعلق سے ہندوستانی عوام مورچہ کے ترجمان دانش رضوان نے کہا کہ حکومت نے بلاشبہ عدلیہ کی ہدایت کے مطابق یہ فیصلہ کیا ہے لیکن اس فیصلے میں دانشمندی نہیں ہے۔

انہوں نے حکومت سے مطالبہ کیا ہے کہ حکومت کرائے میں رہنے والوں کا کرایہ، بینکوں کے قرض کا سود معاف کریں تاکہ کسی بھی فرد کو پریشانیوں کا سامنا کرنا نہ پڑے۔

دانش نے کہا کہ حکومت کو یومیہ مزدوری کرنے والوں کا خیال کرنا چاہیے۔